Noarske swierwettersabotaazje

Noarske swierwettersabotaazje (ûnderdiel fan 'e Twadde Wrâldoarloch) De Vemork-wetterkrêftsintrale yn 1935. datum: 1942 – 1944 plak: Telemark útkomst: súksesfolle Alliëarde sabotaazje fan it nazy-Dútske besykjen om in atoombom te meitsjen konfliktpartijen   Noarsk ferset stipe troch: Feriene Keninkryk Feriene Steaten nazy-Dútslân befelhawwers   Knut Haukelid   Jens-Anton Poulsson   Joachim Rønneberg Josef Terboven sterkte   18 46 3.000 ferliezen    minimaal 14 deaden 39 deaden minimaal 4 deaden

De Noarske swierwettersabotaazje (Bokmål: Tungtvannaksjonen; Nynorsk: Tungtvassaksjonen) wie in rige sabotaazje-aksjes fan it Noarske ferset yn 'e Twadde Wrâldoarloch om foar te kommen dat nazy-Dútslân in atoombom meitsje koe. Dêrfoar wie nammentlik swierwetter nedich, in skiekundich manipulearre foarm fan wetter, dy't produsearre waard yn 'e wetterkrêftsintrale Vemork, by Rjukan, yn 'e Noarske provinsje Telemark. Mei Britske stipe wisten de fersetslju earst it swierwetterfabryk te sabotearjen, wêrnei't Amerikaanske bombardeminten de Dútsers twongen om 'e al produsearre foarrie swierwetter oer te bringen nei Dútslân. Underweis brocht it ferset de fearboat mei al it swierwetter oan board ta sinken.